Дотоодын түүхий эд, нөөц боломжинд тулгуурласан, дэлхийн зах зээлд өрсөлдөх чадвартай, дэвшиэлтэт технологи бүхий боловсруулах аж үйлдвэрийг хөгжүүлэх зорилгоор “Монгол Улсыг үйлдвэржүүлэх хөтөлбөр”-ийг боловсруулж, энэ оныг Үйлдвэржүүлэлтийг дэмжих жил болгон зарласан билээ.

2009 онд жижиг дуунд үйлдвэрлэлийг дэмжих чиглэлээр улсын төсвөөс хруваариласан 30,0 тэрбум төгрөгийн хөрөнгийг Засгийн газраас өгсөн чиглэлийн дагуу “Орон нутагт үйлдвэрлэл хөгжүүлэх чиглэл”-ийн хүрээнд үйлдвэрлэлийн тэргүүлэх чиглэлийг бүс, аймаг орон нутгаар тогтоож үйлдвэр аж ахуйг байгуулах өргөжүүлэхэд санхүүгийн дэмжлэг үзүүлэн ажиллаж байгаа. Энэхүү ажилтай танилцахаар Тэргүүн шадар сайд Н.Алтанхуяг хүнс, хөдөө аж ахуй, хөнгөн үйлдвэрийн яамны ажил байдалтай танилцаж цаашид хэрхэн хамтарч ажиллах талаараа зөвлөлдлөө. Жижиг дунд үйлдвэрлэлийг дэмжих чиглэлээр хөнгөлөлттэй зээл олгогодож байгаа бөгөөд 2009 онд ЖДҮ-ийг дэмжих, хөдөлмөр эрхлэлтийг нэмэгдүүлэх чиглэлээр улсын төсөвт тусгагдсан 850 сая төгрөг, 30 тэрбум төгрөгийн зохих хувийг аймгуудын ЖДҮ-ийг хөгжүүлэх дэд сангуудад хуваарилан арилжааны таван банкаар дамжуулан олгосон. Нийт зээл олголт 97 хувьтай бөгөөд, 1559 аж ахуйн нэгж, иргэдэд санхүүгийн дэмжлэг үзүлсний үр дүнд 397 үйлдвэр шинээр байгуулагдаж, 1162 жижиг дунд үйлдвэр үйл ажиллагаагаа өргөтгөж, нийтдээ 5500 гаруй ажлын байр шинээр нэмэгдсэн байна. Хөнгөлөлттэй зээлийн эх үүсвэр хэдий оройтож шийдэгдсэн ч улсын хэмжээнд хөнгөлөлттэй зээлийг олгосноор, хөнгөлөлттэй зээлийн сүлжээ бий болж, иргэд аж ахуйн нэгжийн дунд үйлдвэрлэл эрхлэх сонирхол бий болж, төр захиргааны байгууллага, төрийн бус байгууллага, мэргэжлийн холбоодын хамтын ажиллагаа идэвхжиж зээлийн 80 орчим хувь нь бодитой хэрэгжсэн гэсэн үнэлгээ гарч байна.