|
Монгол-Тяньжины ажлын хэсгийн 3дугаар хуралдаан амжилттай болж өндөрлөлөө |
 |
 |
 |
|
2010 оны 2-р сарын 01, Даваа гариг, 05:32 |
 Монгол-Тяньжины ажлын хэсгийн 3-р хуралдаан 2010 оны 1-р сарын 25-30-ны өдрүүдэд Улаанбаатар хотноо амжилттай болж өндөрлөлөө. Тус арга хэмжээний үеэр “Монголын Махны Холбоо” нь БНХАУ-ын Тяньжин хотын Дуньзяны чөлөөт бүс дэхь “Да-Ян” компанитай хөдөө аж ахуй, хүнсний үйлдвэрлэл, худалдааны салбарт 2 талын хамтын ажиллагааг өрнүүлэн хөгжүүлэх зорилгоор Санамж бичиг байгуулав.
Санамж бичгийн хүрээнд Да-Ян компани нь Тяньжин хотын Дуньзянын чөлөөт бүсэд 3000 тн-ын хөргүүртэй агуулахыг урт хугацааны хөнгөлөлттэй нөхцөлөөр түрээслүүлэх, Монголын махны холбоо нь Да-Ян компаниар дамжуулан мах, махан бүтээгдэхүүнийг гуравдагч орны зах зээлд эскпортлох, түүнчлэн монгол адууны мах, махан бүтээгдэхүүнийг Хятадын зах зээлд сурталчлан таниулах, худалдан борлуулах ажлыг зохион байгуулах боломжтой болно.
Түүнчлэн Хүнс, хөдөө аж ахуй, хөнгөн үйлдвэрийн яамны “Бөөний худалдааны сүлжээ” төслийн нэгж болон БНХАУ-ын Тяньжин хотын Дуньзян боомтын ТЖБЖ Хүнс, хөдөө аж ахуйн бүтээгдэхүүний бөөний худалдааны компани хооронд хамтын ажиллагааны Санамж бичиг байгуулав. Франц улсын Рангис бөөний худалдааны сүлжээг Хятадад нэвтрүүлж байгаа дээрх компани нь манай улсын аж ахуйн нэгжүүдэд Тяньжин хотын Дуньзяны боомтод агуулах, худалдааны зориулалтаар талбайг хөнгөлөлттэй нөхцлөөр түрээслүүлэх, “Бөөний худалдааны сүлжээ” төслийн нэгж нь 2 талын бизнес эрхлэгчдийн уулзалтыг зохион байгуулах, Улаанбаатар хотод олон улсын стандартад нийцсэн, орчин үеийн хүнсний бөөний худалдааны төв, тээвэр ложистикийн сүлжээг хамтран байгуулахаар Санамж бичигт заасан байна. |
